Новости - SKO Agartu

Басты бет / Жаңалықтар

«Зерде» республикалық зерттеу жобалары конкурсы

04.11.2022

Бүгін, 2022 жылғы 4 қарашада екі білім беру ұйымының базасында «Әбу Досмұхамбетов атындағы облыстық дарынды балаларға мамандандырылған гимназия-интернаты» КММ және «ЛОРД» дарынды балалар үшін мамандандырылған облыстық мектеп-лицей-интернаты» КММ 2-7 сынып оқушылары арасында «Зерде» республикалық зерттеу жобалары конкурсының облыстық кезеңі өтті. Байқаудың осы кезеңі үшін 182 зерттеу жобасы іріктелді.

Конкурсқа жас зерттеушілер - 2-7 сынып оқушылары жеке және командалық құрамда (2 қатысушыдан артық емес) қатысады.

Қазылар алқасы Манаш Қозыбаев атындағы Солтүстік Қазақстан университетінің профессор-оқытушылар құрамынан, облыс колледждері мен мектептерінің педагогтарынан құрылды.

Конкурстың қорытынды кезеңіне облыстық кезеңде 1 орын алған оқушылар жас топтары бойынша әр секцияға бір конкурстық жұмыстан артық емес (кіші топ – 2-4 сыныптар, аға топ - 5-7 сыныптар) өтеді.

Байқау қорытындысы біздің ресми сайтымызда жарияланады.