Бүгін, 8 қыркүйек күні, Қазақстан Республикасының Президенті Қасым-Жомарт Тоқаев халыққа арналған жыл сайынғы Жолдауын жолдады. Жолдау барысында Мемлекет Басшысы ел дамуының басым бағыттарын айқындап, қысқа және ұзақ мерзімді кезеңдерге арналған міндеттерді белгіледі. Өз сөзінде ол елді жаңғырту, цифрландыру және жасанды интеллектіні енгізу мәселелеріне айрықша тоқталды. Президент еліміздің болашағын қалыптастыруда әрбір азаматтың баға жетпес рөлін ерекше атап өтті. Бұл Жолдау әрбір қазақстандықтың еңбегі жоғары бағаланатынының тағы бір дәлелі болды. Қазіргі заманғы сын-қатерлерді, әсіресе цифрландыру саласындағы үрдістерді ескере отырып, жаңа технологияларды жауапты әрі тиімді пайдалануға негіз болатын цифрлық кодекс қалыптастыруға ұмтылуымыз қажет.

Жаңалықты мекеменің сайтында қарауЖаңалықтар тізіміне көшу